Qubad Talebanê Cîgirê Serokwezîrê Herêma Kurdistanê, roja çarşemê 22.05.2019ê di pêncemîn konferensa navdewletiya bielektironîkirina hikûmetan li bajarê Talîn paytexta Estoniyayê, gotarek pêşkeş kir û çend mijarên giring berçav kirin.
Talebanî behsa tecrûbeta Herêma Kurdistanê ya di warê bielektironîkirina hikûmetê da kir û got ku Herêma Kurdistanê di rewşeka dijwar û tijî kirîzên emnî û siyasê xebatên bielektironîkirina hikûmetê dest pê kir, ji bilî vê jî li Herêma Kurdistanê kultûra bîrokrasîyê zêde ye û rêjeya bikarînana teknolojiya û pêşkeftina gêncan berdewam di geşbûnê da ye, Herêma Kurdistanê dikare li gor tecrûbeya welatên pêşkeftî îmkanên hene rêkbixe û bi vî awayî gav bi gav astengî û kelemên li pêşiya bieleketornîkirinê hikûmetê ji hole rake.
Pêwîstiya yasayên Kevin bi serastkirinê heye û zêde pişt bestin tenê bi samên neftê awayekê sistî û tembeliyê li Herêma Kurdistanê çê dike, nêzîkî 70% ji civka Kurdistanê gênc in û piraniya wan teknolojiya û medya civkî bikartînin ji ber hide Herêma Kurdistanê dikare ber bi kêmtir piştbestn bi samanê neftê gavan pavêje û tecrûbeya welatekê weke Estoniya dikare di vî warî da alîkar be.
Talebanî got ku raste Herêma Kurdistanê beşek ji Îraqê, lê dikare serweriya xwe ya elektironî hebe û bi sîsema cîhanî ve bê girêda. Pirsgirêkên federalî di rêya bielektironîkirina hikûmetê da hene weke; Karta Niştimanî û sîstema bankeyan û got ku ew geşbîne ku ji aliyê tîmên pispor û şaraza ve dê ji bo hemû pirsgirêkan çarserî hebin.
Cîgirê serowkwezîr di peyva xwe da behsa çîrokên balkêşên nava konferensê kir û bi taybetî behsa tecrûbeya Estoniyayê kir û tekîd li ser wê yekê kir ku bihevra karkirin dê berhemê baş hebe û ji bona hevkarî û çareserkirina arîşeyan li ber ronahiya wan tecrûbeyan, xwesteka Herêma Kurdistanê diyar kir û got: Em hez dikin em bi hev ra pêşbikevin û bi hev ra pirsgirkan çareser bikin, em li vir fêr bûn ku qewareyê welat negiring e lê karname û berhem giring e.
Weke tê zanîn ev konferense pêncemîn konferensa navdewletî ye li ser bielektironîkirina hikûmetan û roja 21gûlanê bi beşdariya zêdetir ji 100 welatan dest bikar û çalakiyên xwe kiriye. Şandeya hikûmeta Herêma Kurdistanê bi serokatiya Qubad Talebanî li ser vexwandina fermiya hikûmeta Estoniyayê tê de beşdar e.